Joan Francés Tisnèr

Transpòrts Tisnèr S.A.

Qu'ei pròcha adara la parucion deu disc de Joan Francés Tisnèr :
'Transpòrts Tisnèr S.A.'. L'artista que n'ei au tribalh d'escritura finau de las particions e la galeta qu'ei en fabricacion, probable au secatge deu liberet e deu digipack.


Que son setze cantas a dançar de creacion (20 tracks dab los remix). Qu'ei un tribalh vocau dab tractaments sonòrs e ritmes de dança gascons : ua alquimia com Joan Francés n'a lo secret.

Las votz de Jakes Aymonino (director artistic e tanben guitarrista suu disc), de Tomàs e Matèu Baudoin que's mesclan per còps a la de Joan Francés. Francés Dumeaux, complici en electro, que hè l'arremesclada de quate cantas.

Monde que podón gostar e apreciar quauques extrèits au bal que Joan Francés e perpausè tà Hestiv'òc a Pau lo 17 d'aost, dia de calorassa. Caumàs qui non descorè pas los dançaires au contra.

Lo bal qu'ei perpausat en octofonia : question que los dançaires e siin au centre. Aver lo curiosèr de descobrir lo tribalh artistic de Joan Francés que's pòt har parièr a partir peu disc.

Precomanda ací http://joanfrancestisner.com/ e visitar la botiga